КЫРГЫЗ РЕСПУБЛИКАСЫНЫН ЖОГОРКУ КЕҢЕШИНИН ДЕПУТАТТАРЫН ШАЙЛОО БОЮНЧА ГИД

«Жалпы иш» коомдук фонду Кыргыз Республикасынын Борбордук шайлоо комиссиясы менен бирдикте «КРнын депутаттарын шайлоо боюнча колдонмону» даярдап, жарыялады. Бул идея шайлоо мыйзамдарынын өзгөрүшүнө байланыштуу пайда болгон. Бул колдонмо шайлоочуларга да, талапкерлерге да, саясий партияларга да, шайлоо комиссияларынын мүчөлөрүнө да, шайлоого байкоо жүргүзгөн коммерциялык эмес уюмдарга да жана шайлоо процессинин башка субъекттерине да тиешелүү болот.

Орус жана кыргыз тилдеринде чыккан гиддин жалпы тиражы 10 миң нусканы түзгөн. Колдонмонун бир бөлүгү КР БШКга берилет, ал эми негизги бөлүгү кызыкдар тараптарга таратуу үчүн өлкөнүн аймактарына жөнөтүлөт.